புதுடெல்லி: உள்நாட்டைச் சேர்ந்த ஜைடஸ் கேடில்லா நிறுவனம் உருவாக்கிய, ஊசியில்லாத 3 டோஸ் கொரோனா தடுப்பு மருந்தை அவசரகாலத்தில் பயன்படுத்த ஒன்றிய அரசு அனுமதி அளித்துள்ளது. இந்தியாவில் தற்போது கோவாக்சின், கோவிஷீல்டு, ஸ்புட்னிக், மாடர்னா, ஜான்சன் அன்ட் ஜான்சன் ஆகிய 5 தடுப்பூசிகளுக்கு ஒன்றிய அரசு அவசர பயன்பாட்டு அனுமதி அளித்துள்ளது. இந்நிலையில், 6வதாக ஜைடஸ் கேடிலா நிறுவனம் தயாரித்த ஜைகோவ்-டி தடுப்பு மருந்துக்கு அனுமதி அளிக்கும்படி ஒன்றிய அரசின் நிபுணர்கள் குழு நேற்று பரிந்துரை செய்தது. இதற்காக, ஜைடஸ் கேடில்லா நிறுவனம் கடந்த ஜூலை 1ம் தேதி விண்ணப்பித்தது. நிபுணர் குழுவின் பரிந்துரையை தொடர்ந்து, ஒன்றிய மருந்து கட்டுப்பாட்டு ஆணையரகம் (டிசிஜிஐ) இந்த தடுப்பு மருந்துக்கு நேற்றிரவு அனுமதி அளித்தது. இதன் மூலம், உள்நாட்டில் தயாரிக்கப்பட்டு பயன்பாட்டுக்கு கொண்டு வரப்படும் 2வது தடுப்பு மருந்து என்ற பெருமையையும், முதல் டிஎன்ஐ வகை தடுப்பூசி என்ற பெருமையையும் கேடில்லா நிறுவனம் பெறும். இந்த தடுப்பு மருந்தை 12-17 வயதினருக்கும் செலுத்தலாம். ஜைகோவ்-டி தடுப்பூசி 3 டோஸ்களை கொண்டது. முதல் டோஸ் எடுத்துக் கொண்டபின் 28வது நாளில் 2வது டோசும், 56வது நாளில் 3வது டோசும் செலுத்த வேண்டும்.
…
The post ஊசி இல்லாமல் 3 டோஸ் போடலாம் ஜைடஸ் கேடில்லா நிறுவன தடுப்பு மருந்துக்கு அனுமதி: 12-17 வயதினருக்கும் செலுத்தலாம் appeared first on Dinakaran.
